1328, Nov. 20. Czarnowanz.

Herzog Boleslaw von Falkenberg ertauscht vom Stift die Stadt Schurgast gegen Bowallno und verspricht die Freiheiten der Sttftsdörfer aufrecht zu halten.

In Nomine Domini Amen. Quoniam annorum revolucione ac personarum successione statuta priorum frequenter defluunt. et pacta quamvis iuste et licite inita obliviscuntur, provida discrecione dantur scripta, in et oblivioni et calumpniis valeant crebrescentibus obviare. Notum sit igitur universis et singulis presentem paginam inspecturis, Quod Nos Bolezlaus primogenitus Illustris et Magnifici principis domini Bolezlai ducis Opoliensis, dux et dominus dei gracia Walkinbergensis, visa et considerata communi utilitate terre nostre, si opidum in metis nostri ducatus situm, dictum Surgasd, Prepositi et Conventus sancti Monialium in Bozidom, firmaretur, tutelam incolis nostre predicte terre ac nobis, ymo et Monasterio memorato addiceret et munimen, in quo Nos Theolonium cum iuribus ducalibus optinentes ut ipsam civitatem melius et facilius firmaremus, iustitimus prefatis Preposito et Conventui, ut pro prefato opido villam aliam eisdem eque utilem ac eorum bonis melius adiacentem, reciperent in Commutacione perpetua. Habitis itaque tractatibus inter Nos competentibus, nostrorum fratrum super hoc consilio ac Ordinis eorundem petita licencia et optenta, talem permutacionem fecimus, dantes dilecto nobis preposito et Conventui fratrum et sororum, ac prefato Monasterio Bozidom, pro memorato opido Surgasd villam nostram dictam Wawelno certis limitibus situatam cum agris cultis et incultis, silvis, pratis, piscacionibus, venacionibus, censu, exaccionibus, iudiciis sive culpis, honoribus, serviciis, et cum omni iure quo Nos possedimus eandem villam, ita quod nichil in ipsa villa Nos ac nostri Successores iuris potestatis vendicabimus, nec in ipsa utilitatis aliquid usurpabimus, nisi si iusticiarius Prepositi negligeret punire in preiudicium terre nostre, tunc Nos vindictam ibidem in maleficos exercentes, bona maleficorum iam dicto Preposito integraliter remane- bunt, ac suis successoribus ac Conventui prenarrato. Promittimus insuper fide bona, quod in ipsa villa numquam pernoctaciones sine memoratorum Prepositi et Conventus voluntate aliquatenus faciemus. Renunciamus etiam expresse venacionibus, pabulacionibus, vecturis, serviciis, que a Sculteto, Rusticis, seu famulis in dicta villa residentibus. Nobis ante commutacionem, seu quibuscunque aliis angariis cuiuscunque potestatis tytulo debebantur. Ad hec etiam Nos et nostros heredes seu legittimos successores astringimus, quod racione quietacionis huiusmodi, ipsorum curias sive villas occasione huiusmodi plus solito non gravabimus, sed ipsorum iura omnia ipsis conservabimus in villis residuis eorundem, secundum tenorern libertatum, quas Magnifici Principes nostri progenitores pie Sepedicto Monasterio contulerunt, qui per ignoranciam vel negligenciam ad soluciones devenerant indebitas, simul et servicia minus iusta, in hoc maxime quod tres Vaccas et Porcos eiusdem numeri sive pernas, que Monasterio memorato in Gola de quibusdam villis eorum debite exsolvuntur, numquam nobis usurpabimus nullius necessitatis occasione. Villam etiam Zuzelam cum agris, pratis ac silvis seu fluminibus Monasterio antedicto cum Curia ibi sita, ipsis libera et indempnia cum omnibus utilitatibus, cum alia villa deserta, dicta Zeberow, cum eam locari contingerit, gratuite ab angariis quietas et pacificas relinquemus. Ipse etiam Prepositus et Conventus sepius nominati, nobis ac nostris Successoribus de dicto opido Surgasd spontanea cesserunt voluntate, secundum quod in instrumento nobia per ipsos dato plenius continetur. Nos igitur inspecta resignacione prescripta simul et iniuriosa vexacione, que fiebat in villis sepe nominatis, ipsos ad libertatem reduximus prenotatam, quam si quispiam nostre posteritaris, ymo et nos metipsi, quod absit, vellemus aliquo tempore violare, omnibus et singulis prenotatis ordinacionibus ultroiectis, extunc dominium opidi in Surgasd, cassatis commutacionis memorate causis, ad Monasterium, Prepositum et Conventum sine contradictione qualibet revertatur. Jus etiam Patronatus presentibus profitemur memorato Monasrerio annexum, per prefatum concambium in Nos nec in nostros successores aliquatenus transivisse, sed debere ut antea Monasterio antedicto ac ipsius Monasterii Preposito collacio parrochie memorate in perpetuum reservari. Ne ergo nostris posteris presentis ordinacionis ignaris aliquod dubium oriatur, presenti Scripto nostrum Maius Sigillum appendi mandavimus, Sigillis domini Bolezlai patroni Monasterii Supradicti, et Domini ducis Alberti, fratrum nostrorum carissimorum, presentibus appositis in robur et cautelam evidenciam et testimonium omnium premissorum. Datum in Bozidom Monasterio Supradicto, per manus Magistri Jacobi nostri Notarii. XII°. Kalendas Decembris, Anno domini. M°.CCC°.XXVIII°. Presentibus, domino Paschone de Crosthina, domino Wilhelmo Bohemo, militibus, Magistro Henrico, publico Notario de Opol, domino Adam dicto Bes, Peregrino de Odera, Bogussio de Prand, et Stanimiro nobilibus, Jacobo advocato civitatis antedicte, Petro de Libnow, et Wilhelmo de Prouencz, nostris fidelibus, et aliis quam plurimis fidedignis.

Hugo, Ann. Ord. Praem. I. Prob. p. 492.
Von den Siegeln ist nur noch das Wappensiegel des Ausstellers vorhanden, mit der Umschrift: S. BOL. DI. GRA. DVCIS. VALKINBERGENSIS, und einem ähnlichen Rücksiegel.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 1, Urkunden des Klosters Czarnowanz. Hrsg von dr W. Wattenbach, Breslau 1857.